Innuttaasut amerlassusissaasa missingersorneqarnerat

Innuttaasut qanoq amerlatiginissaannik naatsorsuinermi innuttaasut siunissami qanoq amerlatiginissaat katitigaanissaallu missingersorneqartarput. Pingaartuuvoq erseqqissassallugu innuttaasut qanoq amerlatiginissaannik naatsorsuineq siunissami qanoq ineriartornissaannik naatsorsuinerunngimmat, kisiannili innuttaasut siunissami inunngortussat toqusussat, Kalaallit Nunaannit kiisalu Kalaallit Nunaannut nutsertussanik nalunaarsuinerulluni. Tunngavigisat taakku eqquutinngippata ineriartorneq piviusoq naatsorsuutinit nikissimassaaq.

 

Siunissami kinguaassiornissap toqusartullu amerlassusissaat 2014-mi naatsorsuutigineqartut 2009-miit – 2013-mut misissuinerni ilisimalikkanik tunngaveqassapput, nuttarnernullu naatsorsuutit sivisunerusumik naatsorsuinernut tunngaveqassallutik. Natsorsuutit iliuutsillu pimoorussanittartakkami uani takuneqarsinnaapput: www.stat.gl/BED201402/o2 

 

Takussutissiaq 9.1. 2015-mit 2023-mut innuttaasut missingersorneqarnerat

	2015	2016	2017	2018	2019	2020	2021	2022	2023
Innuttaasut tamarmik	56.231	56.172	56.126	56.065	55.992	55.908	55.828	55.745	55.647
Kalaallit Nunaanni inuusimasut	50.100	50.034	49.965	49.906	49.834	49.760	49.684	49.592	49.493
Kalaallit Nunaata avataani inuusimasut	6.131	6.138	6.161	6.159	6.158	6.148	6.144	6.153	6.154

Najoqqutaq: Naatsorsueqqissaartarfik, http://bank.stat.gl/BENP2012

 

Takussutissiami 9.1-mi aammalu tabelimi 5-mi innuttaasut amerliartornerannut missingiinerup naammassinera takutinneqarpoq, sumi inunngorsimanermut immikkoortillugit. Takuneqarsinnaavortaaq inuit ataatsimoortut pineqartut amerlassusaat tamarmik immikkut ittumik ineriartornerat. Inuit Kalaallit Nunaanni inunngortut annikitsumik ikiliartussapput 50.157-niit 2014-mi 2023-mi 49.493-nut. Inuit Kalaallit Nunaata avataani inunngortut amerlilaarnissaat ilimagineqarpoq, 2014-mi 6.125-niit 2023-mi 6.154-nut. Innuttaasut missingersorneqarnerat malillugu ukiuni qulini tulliuttuni inuit amerlassusaat allanngorpallaassanngitsoq ilimanarpoq.